ندای کابل
د ۱۳۹۵ کال د اسد په دویمه نېټه، په کابل ښار کې د هزاره او ډیرو اوسېدونکو له خوا د مظاهرو پر مهال، درې پرلهپسې چاودنې د ځانمرګو بریدګرو له خوا د دهمزنګ په سیمه کې وشوې، چې له امله یې لږ تر لږه ۸۰ کسان خپل ژوند له لاسه ورکړ او تر ۲۳۰ ډېر نور ټپيان شول. دا پېښه د خلکو له خوا د برېښنا انتقال د لاین (د توتاپ پروژه) د بدلون او انحراف پر ضد د یوه مدني اعتراض پر مهال رامنځته شوه، چې د روښنايي غورځنګ مشرانو یې تنظیم کړې وه. دا مظاهره د افغانستان په تاریخ کې له مدني حرکتونو څخه یوه مهمه او بېلګه پېښه وه، چې د هېواد د بیداره او پوه ځوانانو له خوا ترسره شوه، خو له بده مرغه دا حرکت د ظالمو، متعصبو او فاشیستي چارواکو له خوا د خپلو ترهګرو مزدورانو په وسیله په ډېر ظالمانه ډول وځپل شو. په دې اړه د یوه هېوادوال مقاله ستاسو خدمت ته وړاندې کېږي.
دستگیر روشنیالی :
هزاره ګان د افغانستان د مدنی حرکتونو مخکښان:
په افغانستان کی لسیزی کیږی چی ډار او ترور واکمنی کوی . په دی هیواد کی نږدی هره ورځ بی ګناه خلق د جګړی او ترور په قربانیانو بدلیږی . دلته مرګ او ترور د دموکلس د توری په شان د هر چا په سر ځوړند دی ؛ خو ټولنه غلی پاتی کیږی بی وسی ښیی ؛ په ځان بی باور ده ؛ ټاریږی عکس العمل نه شیی اوځان تقدیر ته سپاروي ؛ غوشتنی نه را پورته کوی او کوڅو ته نه راوزی . دا د یوی یرغمل شوی ټولنی ځانګړتیا ده ؛
ولی هزاره ټولنه د انتظار او پاسیفزم له حالت ځآن را باسی په ځان باوری کیږی غوشتنی را پورته کوی او کوڅو ته راوزی . په بل عبارت دا ټولنه اکتیف شوی او د هر هغه څه په وړاندی عکس العمل شیی چی د ټولنی د برخلیک سره تړلی وی . دا په هغه هیواد کی چی د پیړیو او پیړیو لپاره د سیاسی او مذهبی استبداد په دود اداره شوی وی یو اساسی بدلون دی . دا په ټولنیز ژوند سیاست او سیاسی ژوند کی یو بنیادی یو تاریخی او کیفی لیږد « گذار» دی دا بی له شکه د یوه نوی فرهنګ د یوه نوی سیاسی فرهنګ ایجاد دی هیله ده منځ ته راغلی حالت سراسری او ملی ځانګړتیاوی پیدا کړی او په کلی توګه د ا فغانستان خلک د پاسیفیزم او انتظار له حالته راووزی . هزاره؛ پشتون ؛ تاجیک ؛ ازبک….. له یو بل سره غوشتنی شریکی کړی ؛ یو بل ته نږدی شی او د ګډو هدفونو په لور یو پیاوړی مدنی حرکت پیل کړی.
لیکوال: عصمت الله فاضلی
١٤٠٤/٥/٢
