د اسلام له نظره د ښځې حقونه

د اسلام له نظره د ښځې حقونه

اسلام د ښځې او خاوند ترمنځ اړیکه د مینې، مهربانۍ او انصاف پر بنسټ ولاړه کړې ده. دا مانا دا ده چې خاوند باید له خپلې مېرمنې سره ښه چلند وکړي. دا لاندې حقونه د ښځې پر خاوند لازم دي:

– لګښتونه ورکول: خاوند مکلف دی چې خپلې مېرمنې ته خواړه، جامې او د اوسېدو ځای برابر کړي.
– درناوی او مهرباني: قرآن وایي: “له ښځو سره په ښه طریقه ژوند وکړئ.” یعنې باید نرم، مهربان او درناوی کوونکی واوسې.
– جنسي حقونه: خاوند باید د خپلې مېرمنې جنسي اړتیا ته مشروع او اخلاقي پاملرنه وکړي.
– شخصیت او عزت: ښځه حق لري چې خپل نوم، شخصیت او عزت وساتي. خاوند نشي کولای بې دلیله هغه محدود یا سپکه کړي.
– تعلیم او کار: که د ښځې تعلیم یا کار د دین او کورنۍ اصولو خلاف نه وي، خاوند باید اجازه ورکړي.

د بشري حقونو له نظره

د ملګرو ملتونو د بشر حقونو منشور وایي چې ښځې هم د نارینه وو په څېر د ژوند، تعلیم، کار او آزادۍ مساوي حقونه لري. هر ډول تاوتریخوالی، بندیز یا توپیر له ښځو سره د بشر حقونو خلاف کار دی.

که خاوند د ښځې حقونه پام کې و نه نیسي، نو دا بدې پایلې لري:

– تاوتریخوالی: فزیکي یا رواني زور زیاتی د ښځې او ماشومانو ذهن ته زیان رسوي.
– ماشومان زیان ویني: هغه ماشومان چې د مور او پلار شخړې ویني، اکثره له ذهني فشار، بې باورۍ او تعلیمي ستونزو سره مخ کېږي.
– ټولنیز فساد: د ښځو د حقونو نه مراعت طلاق، بې سرپرسته ماشومان او نورې ټولنیزې ستونزې راولاړوي.
– اقتصادي زیان: که ښځې ته د تعلیم یا کار اجازه ورنه کړل شي، دا د ټولنې اقتصادي پرمختګ ته تاوان رسوي.

پایله

د ښځې حقونه یوازې د دیني اړخه نه، بلکې د انسانیت او ټولنیز عدالت لپاره هم ډېر مهم دي. که دا حقونه مراعت شي، نو کورنۍ به خوشحاله وي، ماشومان به هوښیار لوی شي، او ټولنه به پرمختګ وکړي. نو دا حقونه باید د دین، اخلاق او قانون له مخې ومنل شي.

فاضلی عصمت, [11/15/2025 12:53 PM] په اسلام کې د څو ښځو نکاح کولو اجازه ورکړل شوې ده، او د ځینو احادیثو له مخې دا کار مستحب ګڼل شوی، خو له بده مرغه دا شرعي اجازه په ډېرو مواردو کې د ناوړه ګټې اخیستنې سبب شوې ده، چې د کورنۍ ماشومانو او ټولنې ته ډېر منفي زیانونه اړولي دي. په ډېرو دودیزو ټولنو لکه افغانستان کې دا موضوع داسې شوې چې ډېر زاړه او عمر خوړلي خاوندان، چې مشرانې ښځې لري، یوه ځوانه ښځه انتخابوي، پرته له دې چې د ښځې له حقونو خبر وي، او ډېر وخت ظلم او ستم پر دغو بدبختو ښځو روا کوي…!